ईद ए मिलादुन्नबी जुलूस कमिटी 2025 च्या अध्यक्षपदी पुन्हा खलील सय्यद

धाराशिव : ईद ए मिलादुन्नबी जुलूस (पैगंबर जयंती )कमिटी 2025 धाराशिवच्या अध्यक्षपदी माजी नगरसेवक व काँग्रेस पक्षाचे ज्येष्ठ नेते तथा कार्याध्यक्ष खलील सय्यद यांची फेर निवड करण्यात आली आहे.
उस्मानाबाद-धाराशिव शहरात इस्लाम धर्माचे शेवटचे पैगंबर हजरत मुहम्मद मुस्तफा सल्लालाहु अलैहि व सल्लम यांच्या जन्म दिना निमित्त बारा दिवस विविध धार्मिक कार्यक्रम घेतले जातात तसेच जयंती निमित्त अरब मस्जिद ते दर्गा पर्यंत मिरवणूक काढण्यात येते. हे सर्व कार्यक्रम आयोजित करून यशस्वीपणे पार पाडण्यासाठी दर्गा शरीफ मध्ये शहर वासियांची दर्गा हजरत ख्वाजा शमशुद्दीन गाझी रहमतुल्ला आले या ठिकाणी बैठक घेण्यात आली अध्यक्षस्थानी मौलाना जाफर अली खान होते बैठकीची सुरवात कुराण पठणाने झाली बैठकीची प्रस्तावना व मागील वर्षीचा लेखाजोका अध्यक्ष खलील सय्यद यांनी मांडला मौलाना इस्माईल खारी ,कादर खान पठाण यांनी मार्गदर्शन केले या या वर्षीच्या जुलूस कमिटी साठी उपस्थितामधून इच्छुकांची नावे घेण्यात आली यावेळी खलील सय्यद सर , अजहर पठाण , इर्शाद सय्यद, आमेर वाजीद पठाण यांनी इच्छा जाहीर केली,इच्छुक पाच जण असल्याने अंतिम निर्णय समस्त मौलाना वर सोडण्यात आला होता. मौलानानी चिठ्ठ्या टाकून निर्णय घेण्याचा निर्णय केला यावेळी खलील सय्यद सर यांच्या नावाची चिठ्ठी निघाल्याने या वर्षासाठी खलील सय्यद यांची फेर निवड करण्यात आली आहे. खलील सय्यद यांच्या फेरनिवडीनंतर जिल्हाभरात त्यांचे अभिनंदन करण्यात येत आहे.