केंद्रीय विद्यालयाच्या जागेची पाहणी करण्यासाठी. पथक 22 तारखेला येणार – सोमनाथ गुरव यांची माहिती
धाराशिव ता. 19: फुकटच श्रेय घेण्याची राणा पाटील यांची जुनी खोड आहे. पण केंद्रीय विद्यालयाच्या बाबतीत ते चांगलेच तोंडावर आपटले आहेत. कसला पाठपुरवा नसताना अर्धवट माहिती आधारे पत्रक काढून श्रेय घ्यायचे धंदे राणा पाटील यांनी बंद करावे असा इशारा शिवसेना नेते सोमनाथ गुरव यांनी दिला आहे. यावेळी गुरव म्हणाले की, खासदार ओम राजेनिंबाळकर यांनी 2022 पासून या विषयासंदर्भात पाठपुरावा केलेला लोकसभेच्या इतिवृत्ता मध्ये पाहायला मिळेल. तुमच्या सारखी नुसती पतंगबाजी नाही तर लोकसभेच्या अधिवेशनात 2022 रोजी हा मुद्दा घेऊन लक्षवेधी मांडली आहे. दोन बैठका घेण्यात आला आहे. येणाऱ्या अधिवेशनात 27 तारखेला हाच प्रश्न उत्तरासाठी येणारं आहे. याचीच माहिती घेण्यासाठी हे पथक पाहणी करणार आहे. हा प्रश्न नऊ जुलै रोजी दिला असून त्याच पार्श्वभूमीवर केन्द्र सरकारच्या हालचाली सुरु असून त्यातीलच पाहणी हा एक भाग असल्याची माहिती सोमनाथ गुरव यांनी दिली आहे. याशिवाय जिल्हाधिकारी कार्यालयामध्ये मार्च 2025 रोजी बैठक आयोजित केली होती. धाराशिव येथे केंद्रीय विद्यालय स्थापनेसंदर्भात ही महत्वपूर्ण बैठक पार पडली.या बैठकीत केंद्रीय विद्यालय स्थापनेसाठी जागेची निवड, आवश्यक प्रस्ताव पाठवणे, आणि पुढील प्रशासकीय प्रक्रिया गतिमान करण्यासाठी चर्चा झाली. हे देखील शासकीय पुराव्यानिशी सिद्ध होईल. त्यामुळं असल्या पत्रक काढण्याने तुम्हाला हे श्रेय मिळेल हा तुमचा शुद्ध बालीश पणा आहे असा चिमटा गुरव यांनी काढला. सगळ्यात हास्यास्पद व खोटारडे पणाची हद्द दाखवणारी बाब म्हणजे पथक पाहणी करण्यासाठी कधी येणार हे. सांगण्याची इतकी घाई झाली की खातरजमा न करता प्रेस नोट काढून आमदार यांनी आपली राहीली साहली अक्कल दाखवून दिली आहे.त्यांच्या माहितीसाठी 22 जुलै रोजी हे पथक येणार असून तारखेत बदल झाला अस म्हणुन एक पत्रक काढा म्हणजे तुमच्या स्वभावाला शोभेल असं टोला गुरव यांनी राणा पाटील यांना लगावला.
