धाराशिव नगरपालिकेच्या निवडणुकीत अविनाश शेरखाने यांच्या रूपाने मिळणारं सर्वात तरुण चेहऱ्याला संधी… वार्ड क्रमांक १ मध्ये उत्सुकता

धाराशिव (प्रतिनिधी): धाराशिव शहरातील युवा समाजसेवक अविनाश देविदास शेरखाने यांनी आता नगरपालिकेच्या निवडणुकीत उमेदवारी जाहीर केली आहे. समाजसेवेचा वसा घेऊन राजकारणात प्रवेश करत, प्रभाग क्रमांक १ (SC पुरुष) या आरक्षित जागेवरून ते निवडणूक लढवण्यास अविनाश शेरखाने सज्ज झाले आहेत.

बी.फार्मसीचे शिक्षण घेतलेल्या अविनाश शेरखाने यांनी सामाजिक, धार्मिक आणि सांस्कृतिक उपक्रमांद्वारे धाराशिवच्या जनतेत आपले वेगळे स्थान निर्माण केले आहे. कोविड काळात त्यांनी गरजूंना अन्नधान्य, औषधोपचार आणि पोषण आहाराचे वाटप करून मदतीचा हात दिला. रक्तदान, स्वच्छता अभियान आणि आरोग्य शिबिरे अशा अनेक जनकल्याणकारी उपक्रमांतून त्यांनी समाजसेवेचे खरे उदाहरण घालून दिले आहे.

अविनाश शेरखाने यांना समाजसेवेची प्रेरणा त्यांच्या काका सुरेश बापू शेरखाने यांच्याकडून मिळाली आहे. सुरेश बापू शेरखाने हे धाराशिव नगरपरिषदेचे १५ वर्ष नगरसेवक राहिले असून, त्यांनी आपल्या प्रामाणिक आणि जनसेवक वृत्तीने लोकांच्या मनात विशेष स्थान निर्माण केले आहे. त्यांच्याच कार्यपद्धतीतून प्रेरित होऊन अविनाश शेरखाने समाजासाठी काम करण्याच्या मार्गावर निघाले आहेत.

राजकीय क्षेत्रात त्यांनी शिवसेना व युवासेना संघटनांमधून आपली निष्ठा आणि नेतृत्व सिद्ध केले आहे. आमदार कैलास पाटील यांच्या आमरण उपोषणाला रक्तदान करून समर्थन देणे, विद्यार्थ्यांसाठी शालेय साहित्य वाटप, लोकसभा-विधानसभा निवडणुकांतील प्रचार मोहिमा आणि युवक उपक्रमांमध्ये सक्रिय सहभाग घेणे ही त्यांच्या कार्यक्षमतेची उदाहरणे आहेत.

२ ऑगस्ट २०२४ रोजी आमदार कैलास पाटील यांच्या हस्ते त्यांची युवासेना कॉलेज कक्ष प्रमुख (जि. धाराशिव) म्हणून नियुक्ती झाली. सध्या ते “राष्ट्रीय चर्मकार महासंघ महाराष्ट्र राज्य” चे युवक शहराध्यक्ष (धाराशिव) या पदावर कार्यरत आहेत. समाजातील वंचित घटकांना बळ देणे, युवकांना रोजगाराच्या संधी उपलब्ध करून देणे आणि शिक्षण व आरोग्य क्षेत्रात सुधारणा घडवून आणणे या दृष्टीने ते सातत्याने प्रयत्नशील आहेत.

अविनाश शेरखाने म्हणाले, “प्रामाणिकता, सेवाभाव आणि पारदर्शकता या मूल्यांच्या बळावर धाराशिवच्या विकासासाठी काम करण्याचा निर्धार केला आहे. प्रभाग क्रमांक १ मधील सर्व माता-भगिनी आणि माझे बांधव यांच्या आशीर्वादानेच ही सेवा अधिक बळकट करायची आहे.”

धाराशिवमध्ये तरुणाईचा नवा चेहरा म्हणून अविनाश शेरखाने यांची उमेदवारी चर्चेचा विषय ठरत आहे. काका सुरेश बापू शेरखाने यांच्या प्रेरणेतून आणि आपल्या मेहनतीच्या बळावर ते नगरसेवकपदाच्या निवडणूक लढवण्याचा प्रवास अविनाश शेरखाने यांनी सुरू केला आहे.