धाराशिव नगरपालिका निवडणुकीत वार्ड 14 मधून इक्बाल उस्मान कुरेशी यांची दमदार उमेदवारी; विकासाच्या नवीन दिशा देण्याचा निर्धार

धाराशिव (प्रतिनिधी) – आगामी नगरपालिका निवडणुकीत वार्ड क्रमांक 14 मधून इक्बाल उस्मान कुरेशी यांनी अपक्ष उमेदवारी अर्ज दाखल करताच स्थानिक राजकारणात उत्सुकता वाढली आहे. क्षेत्रातील सर्वसामान्य नागरिकांमध्ये विश्वासार्ह आणि लोकाभिमुख चेहरा म्हणून ओळख असलेल्या कुरेशी यांच्या उमेदवारीकडे सर्वांचे लक्ष वेधले गेले आहे.

इक्बाल उस्मान कुरेशी हे गेली अनेक वर्षे सामाजिक बांधिलकी जपत विविध उपक्रमांतून नागरिकांच्या समस्या सोडवण्यासाठी कार्यरत आहेत. पाणीपुरवठा, रस्ते, स्वच्छता, गटार व्यवस्था, शिक्षणासंदर्भातील प्रश्न यावर त्यांनी सातत्याने आवाज उठवला आहे. वार्ड 14 मध्ये नागरिकांशी सातत्याने संपर्क ठेवणारा आणि सर्वसमावेशक नेतृत्व देणारा नेता म्हणून त्यांची ओळख निर्माण झाली आहे.

उमेदवारी अर्ज दाखल केल्यानंतर बोलताना कुरेशी म्हणाले, “वार्ड क्रमांक 14 च्या सर्वांगीण विकासासाठी, नागरिकांना मूलभूत सुविधा मिळाव्यात यासाठी मी कटिबद्ध आहे. या निवडणुकीत मला मिळालेला प्रतिसाद आणि आशीर्वाद माझ्या कार्याची पावती आहे. येणाऱ्या काळात विकास हा एकमेव अजेंडा राहणार आहे.”

स्थानिक नागरिकांनी कुरेशी यांच्या उमेदवारीचे स्वागत करत त्यांना भक्कम पाठींबा देण्याची तयारी दर्शवली आहे. त्यांच्या नेतृत्वाखाली वार्ड क्रमांक 14 मध्ये परिवर्तनाची नवी दिशा दिसेल, असा विश्वास नागरिक व्यक्त करत आहेत.