धाराशिव शहरात प्रभाग क्रमांक 18 मधून युवा नेते ऋषिकेश चपने हे आपला उमेदवारी अर्ज दाखल करणार आहेत. फेसबुक पोस्ट करत ऋषिकेश यांनी आपला उमेदवारी अर्ज भरणार असल्याची घोषणा केली आहे.
काय म्हणाले ऋषिकेश चपने?
प्रिय, मतदार बंधु-भगिनींनो.. सप्रेम नमस्कार, मी ऋषिकेश सोमनाथ चपने. माघील ६-७ वर्षा पासुन शहराच्या कानाकोपऱ्यात काम करत असताना जनतेने आमच्यावर दाखवलेल्या प्रचंड विश्वासामुळे पुढील पाऊल आत्मविश्वासाने टाकण्यासाठी नवीन ताकद मिळाली आहे ! युवा ग्रुप व आनंद नगर मित्रपरिवार यांच्या माध्यमातून समाजाच्या सर्व घटकांसाठी निःस्वार्थपणे कार्य करत आहोत. आपल्या परिसरातील विविध समस्या पाणीपुरवठा, रस्ते, नाल्या, स्वच्छता, शाळा, आरोग्य सुविधा, तसेच सामाजिक कल्याणाच्या गरजा सोडविण्यासाठी नेहमीच पुढाकार घेतला आहे. आरोग्य तपासणी शिबिरे, रक्तदान शिबिर, वृक्षारोपण मोहिम, महिला बचत गट सक्षमीकरण, विद्यार्थ्यांसाठी करिअर मार्गदर्शन, तसेच स्वच्छता आणि पर्यावरण जनजागृती मोहिम.या प्रत्येक उपक्रमामागे एकच उद्देश होता जनतेच्या हितासाठी निष्ठेने काम करणे. आपण सर्वांनी दाखवलेला विश्वास आणि पाठिंबा हे माझ्यासाठी प्रेरणास्थान आहे. आगामी काळातही प्रभाग क्रमांक 10 च्या सर्वांगीण विकासासाठी आणि प्रत्येक नागरिकाच्या समस्या सोडवण्यासाठी मी आणखी जोमाने काम करणार आहे. आज आपण सर्वजण मिळून एक नव्या परिवर्तनाची सुरुवात करूया असा प्रभाग उभारूया जो स्वच्छ, सुशोभित, सुरक्षित आणि सर्व सुविधांनी युक्त असेल. आपले सहकार्य आणि आशीर्वाद माझ्या पाठीशी कायम रहावेत. आपल्या सर्वांचे सहकार्य अनमोल आहे आणि यापुढेही ते मला निश्चित लाभणारच आहे.
