खासदार ओमराजे निंबाळकरां संदर्भात स्टेटस ठेवणाऱ्यांना भीती?, “फुसका बार” निघाला तर जाणारं इज्जत किती?

धाराशिव

भाजप आमदार राणाजगजीतसिंह पाटील यांच्या कार्यकर्त्यांकडून सोशल मीडियावर मोठ्या प्रमाणात खासदार ओमराजे निंबाळकर संदर्भात ट्रेंड चालवल्यानंतर कार्यकर्त्यांमध्येच भीतीचे वातावरण निर्माण झाले आहे. कारण, स्टेटस आणि सोशल मीडियावर पोस्ट केल्यानंतर अद्याप कुठलाही व्हिडिओ  , फोटो किंवा इतर माहिती खासदार निंबाळकरांविरोधात ज्यांनी स्टेटस ठेवायला लावला त्यांच्याकडून मिळालेली नाही. त्यामुळे, आपण स्टेटस ठेवल्यानंतर तो स्टेट्स फुसका बार निघाला तर आपली आणि आपल्या नेत्याची किती इज्जत जाईल अशी भीती कार्यकर्त्यांना वाटत आहे.

आमदार पुत्राचा आदेश, त्यामुळे ठेवण्यात आले स्टेटस

मिळालेल्या माहितीनुसार, धाराशिव जिल्ह्याचे खासदार ओमराजे निंबाळकर यांच्या संदर्भात फेसबुक, व्हाट्सअप, इंस्टाग्रामच्या माध्यमातून कार्यकर्ते पोस्ट शेअर करत आहेत. आमदार राणाजगजीतसिंह पाटील यांच्या कार्यकर्त्यांकडून धन्यवाद, खा. ओम ! आम्हाला कळालं… अशा प्रकारच्या पोस्ट सोशल मीडियावर स्टेटसच्या माध्यमातून आणि इतर माध्यमातून शेअर केल्या गेल्या. अशा पोस्ट प्रत्येकाच्या सोशल मीडियावर शेअर होत असल्याने शहरासह जिल्ह्यात नेमका प्रकार काय? अशा चर्चा सुरू झाल्या आहेत. याबाबत, अनेकांना विचारले असता त्यांनी याबाबत माहिती नसल्याचे सांगितले आहे. दरम्यान “आम्हालाही कळालं तुम्हालाही थोड्या वेळात कळेलं” अशी प्रतिक्रिया देण्यात येत आहे. दरम्यान, या पोस्ट आमदार पुत्रांनी करायला लावल्या अशी माहिती देखील समोर येत आहे.