भाजप आमदार राणाजगजीतसिंह पाटील यांच्या कार्यकर्त्यांकडून सोशल मीडियावर मोठ्या प्रमाणात ट्रेंड चालवला जात आहे. फेसबुक, व्हाट्सअप, इंस्टाग्रामच्या माध्यमातून कार्यकर्ते पोस्ट शेअर करत आहेत. धन्यवाद, खा ओम ! आम्हाला कळालं… अशा प्रकारच्या पोस्ट सोशल मीडियावर स्टेटस च्या माध्यमातून आणि इतर माध्यमातून शेअर केल्या जाऊ लागले आहेत. अशा आशयाच्या पोस्ट आमदार राणाजगजीतसिंह पाटील यांच्या कार्यकर्त्यांकडून शेअर होत असल्याने शहरासह जिल्ह्यात नेमका प्रकार काय? अशा चर्चा सुरू झाल्या आहेत. याबाबत, अनेकांना विचारले असता त्यांनी याबाबत माहिती नसल्याचे सांगितले आहे. दरम्यान “आम्हालाही कळालं तुम्हालाही थोड्या वेळात कळेलं” अशी प्रतिक्रिया देण्यात येत आहे.
