“गंजुट्या मालकाचे आदेश, अन् गुलामांच्या पोस्ट” म्हणत धाराशिवमध्ये सोशल मीडिया वॉर, उद्धव बाळासाहेब ठाकरे पक्षाच्या वतीने आज प्रत्युत्तर, नेमकं प्रकरण काय?

धाराशिवमध्ये सोशल मीडियावॉर सुरू असल्याचं पाहायला मिळत आहे. काल आमदार राणाजगजितसिंह पाटील यांच्या कार्यकर्त्यांनी सोशल मीडियावर धाराशिव जिल्ह्याचे खासदार ओमराजे निंबाळकर यांच्या विरोधात सोशल मीडियावर पोस्ट शेअर केल्या. धन्यवाद “खा. ओम! आम्हाला कळालं..” अशा आशयाच्या पोस्ट आमदारराणाजगजीत सिंह पाटील यांच्या कार्यकर्त्यांकडून शेअर करण्यात आल्या. दरम्यान, अवघ्या 24 तासांच्या आता उद्धव बाळासाहेब ठाकरे गटाचे कार्यकर्ते देखील राणाजगजितसिंह पाटील यांच्या कार्यकर्त्यांना प्रतिउत्तर देत सोशल मीडियावर पोस्ट करत आहेत.

उद्धव बाळासाहेब ठाकरे पक्षाच्यावतीने नेमकं काय दिलं जातयं प्रत्युत्तर?

काल आमदार राणाजगजीतसिंह पाटील यांच्या कार्यकर्त्यांनी सोशल मीडियावर खासदार ओमराजे निंबाळकर यांना उद्देशून “धन्यवाद खा. ओम! आम्हाला कळालं..” अशा आशयाच्या पोस्ट केल्यानंतर उद्धव बाळासाहेब ठाकरे गटाच्या वतीने देखील प्रत्युत्तर देण्यात येत आहे. “गंजुट्या मालकाचे आदेश, अन् गुलामांच्या पोस्ट! तिन्ही पिढ्यांच्या कारनाम्याचे…. उपलब्ध आहेत…” अशा पद्धतीने उद्धव बाळासाहेब ठाकरे पक्षाच्या वतीने प्रत्युत्तर देण्यात येत आहे.