येणाऱ्या स्थानिक स्वराज्य संस्थांच्या निवडणुका शिवसेना शिंदे गट स्वतंत्र लढणार असल्याची माहिती पत्रकार परिषदेत बोलताना सूरज साळुंखे आणि सुधीर पाटील यांनी दिली आहे. आयोजित पत्रकार परिषदेत सूरज साळुंखे आणि सुधीर पाटील यांनी बोलताना म्हटलं की, यापुढील सर्व निवडणुका या आम्ही स्वतंत्र लढणार आहोत. त्यामुळे धाराशिव जिल्ह्यामध्ये महायुतीत मोठा तणाव असल्याचे सिद्ध झाले आहे. गेल्या काही दिवसांपासून धाराशिव मध्ये महायुतीत मोठा तणाव असल्याचं वातावरण आहे. भारतीय जनता पार्टीचे आमदार राणाजगजितसिंह पाटील यांच्यावर शिंदे शिवसेनेच्याकडून मोठी टीका होत असल्याचे पाहायला मिळत आहे. मात्र, जिल्ह्यात महायुतीमध्ये सर्व काही अलबेल असल्याचं वातावरण निर्माण केलं जात असलं तरीही आज शिंदे शिवसेनेचे जिल्हाप्रमुख सूरज साळुंखे यांनी येणाऱ्या निवडणुका या स्वतंत्र लढवल्या जातील हे स्पष्ट केल्याने मोठी खळबळ उडाली आहे. दरम्यान, यावर पत्रकारांनी विचारलेल्या प्रश्नावर आम्ही याबाबतीत वरिष्ठांशी चर्चा करणार असल्याचेही जिल्हाप्रमुख साळुंखे यांनी म्हटलं आहे.
“धाराशिवमध्ये महायुतीत तणावाचा स्फोट! येणाऱ्या निवडणुका स्वतंत्र लढण्याची शिंदे गटाच्या जिल्हाप्रमुखांची घोषणा”
